پولیس نے مغوی نوجوان کو بازیاب کرواکے پانچ اغوا کاروں کو گرفتار کر لیا

ہفتہ 12 جولائی 2025 19:53

جڑانوالہ (اُردو پوائنٹ اخبارتازہ ترین - آن لائن۔ 12 جولائی2025ء) پولیس نے مغوی نوجوان کو بازیاب کرواکے پانچ اغوا کاروں کو گرفتار کرلیا۔ تھانہ سرگودھا روڈ پولیس نے کارروائی کرکے مغوی نوجوان صہیب کو بازیاب کروا کے اغوا کارپانچ ملزمان آصف علی،ابوبکر،حمزہ،اسد اور شاہ زمان کو گرفتار کرلیا۔

(جاری ہے)

ترجمان آصف جٹ نے بتایا کہ تھانہ سرگودھا روڈ کے علاقہ میں صہیب نامی نوجوان چھ ملزمان نے اسلحہ کے زور پر اغوا کیا اور فرار ہو گئے۔

ملزمان نے مغوی کو ایک گھر میں لے جا کر بند کر دیا۔ ایس ایچ او تھانہ سرگودھا روڈ علی عمران نے اپنی ٹیم کے ہمراہ کارروائی کرتے ہوئے پانچ ملزمان آصف علی،ابوبکر،حمزہ،اسد اور شاہ زمان کو گرفتار کر لیا۔تھانہ سرگودھا روڈ پولیس نے ملزمان سے مزید تفتیش کا آغاز کر دیا ہے۔