جو روٹ نے راہول ڈریوڈ کو پیچھے چھوڑ کر ٹیسٹ کرکٹ میں نیا ریکارڈ قائم کردیا

ہفتہ 12 جولائی 2025 22:59

لندن (اُردو پوائنٹ اخبارتازہ ترین - این این آئی۔ 12 جولائی2025ء)انگلینڈ کرکٹ ٹیم کے بیٹر جو روٹ نے ٹیسٹ کرکٹ میں نیا ورلڈ ریکارڈ قائم کردیا،اس مرتبہ 34 سالہ جو روٹ نے اپنی بیٹنگ سے نہیں بلکہ فیلڈنگ کے ذریعے نیا ریکارڈ قائم کیا ہے۔بھارت کے خلاف جاری لارڈز ٹیسٹ کے دوسرے روز جو روٹ نے بھارتی بیٹر کرون نائر کا ایک ہاتھ سے سِلپ پر شاندار کیچ پکڑ کر ٹیسٹ کرکٹ میں سب سے زیادہ کیچز لینے والے فیلڈر (نان وکٹ کیپر) کا اعزاز حاصل کیا۔

(جاری ہے)

جو روٹ نے 266 ٹیسٹ اننگز میں 211 کیچز لے کر ورلڈ ریکارڈ قائم کیا۔ اس سے قبل ٹیسٹ کرکٹ میں سب سے زیادہ کیچز کرنے والے فیلڈر کا ریکارڈ سابق بھارتی کرکٹر راہول ڈریوڈ کے پاس تھا جنہوں نے 301 اننگز میں 210 کیچز لیے تھے۔واضح رہے کہ بھارت کے خلاف لارڈز میں جمعے کو تیسرے ٹیسٹ کے دوسرے روز انگلینڈ کی ٹیم اپنی پہلی اننگز میں387 رنز بنا کر آؤٹ ہوگئی تھے جس کے بعد جواب میں مہمان ٹیم نے 3 وکٹ پر 145رنز بنائے۔انگلینڈ کی جانب سے جو روٹ نے 104رنز، اولی پاپ 44، بین اسٹوک 44 اور اسمتھ نی51رنز بنائے۔