چیئرمین کابینہ کمیٹی برائے ڈیزاسٹر مینجمنٹ سلمان رفیق کاپی ڈی ایم اے ہیڈ آفس کا دورہ

ڈائریکٹر ساؤتھ حمیداللہ ملک نے صوبائی وزیر کو مون سون بارشوں بارے تفصیلی بریفنگ دی

اتوار 13 جولائی 2025 15:05

لاہور(اُردو پوائنٹ اخبارتازہ ترین - این این آئی۔ 13 جولائی2025ء)صوبائی وزیر صحت و چیئرمین کابینہ کمیٹی برائے ڈیزاسٹر مینجمنٹ خواجہ سلمان رفیق نے پی ڈی ایم اے ہیڈ آفس کا دورہ کر کے موسمی صورتحال اور مون سون بارشوں کا جائزہ لیا۔ڈائریکٹر ساؤتھ حمیداللہ ملک نے صوبائی وزیر کو مون سون بارشوں بارے بریفنگ دیتے ہوئے بتایا کہ وزیر اعلیٰ پنجاب مریم نواز شریف کی ہدایات کے مطابق انتظامیہ واسا اور ریسکیو ادارے الرٹ ہیں۔

(جاری ہے)

خواجہ سلمان رفیق نے کہاکہ ریسکیو 1122 کو تمام تر انتظامات کو پیشگی مکمل کرنے کی ہدایت کر دی گئی ہے۔ پی ڈی ایم اے پنجاب نے صوبہ بھر کی انتظامیہ کو مون سون بارشوں بارے الرٹ جاری کر رکھا ہے۔پی ڈی ایم اے کنٹرول روم و صوبائی ایمرجنسی آپریشن سینٹرز الرٹ ہیں۔ شہریوں کے تحفظ کیلئے تمام تر وسائل بروئے کار لائے جائیں گے۔ واسا سمیت تمام ادارے الرٹ رہیں اور نشیبی علاقوں سے نکاسی آب کو یقینی بنائیں۔ شہری پی ڈی ایم اے پنجاب کی جاری کردہ ہدایات پر عمل کریں۔ انہو ںنے کہاکہ انتظامیہ کی جانب سے دریاؤں نہروں اور ندی نالوں کے اطراف دفعہ 144 نافذ ہے۔