ڈبلیو ڈبلیو ای کے مشہور ریسلر گولڈ برگ ریٹائر، ورلڈ چیمپئن کیخلاف آخری مقابلہ نہ جیت سکے

چیمپئن بننے کی سرتوڑ کوشش میں گولڈ برگ نے مخصوص داؤ Spear اور جیک ہیمر کا استعمال بھی مگر دفاعی چیمپئن نے ناکام بنا دیا

ذیشان مہتاب پیر 14 جولائی 2025 12:22

ڈبلیو ڈبلیو ای کے مشہور ریسلر گولڈ برگ ریٹائر، ورلڈ چیمپئن کیخلاف آخری ..

لندن (اردو پوائنٹ تازہ ترین اخبار ۔ 14 جولائی2025ء) ورلڈ ریسلنگ انٹرٹینمنٹ کے مشہور و معروف ریلسر گولڈ برگ 3 دہائیوں بعد ریٹائر ہوگئے، وہ اپنے کیریئر کا آخر میچ نہ جیت سکے۔

12 جولائی کو اپنے آخری میچ میں ڈبلیو ڈبلیو ای کے ورلڈ ہیوی ویٹ چیمپئن گنٹھر اور گولڈ برگ کے درمیان مقابلہ تھا جسے دیکھنے کیلیے پرجوش شائقین کی بڑی موجود تھی، ایونٹ کا انعقاد گولڈ برگ کے آبائی شہر اٹلانٹا میں ہوا تھا۔

کیریئر کے آخری ریسلنگ مقابلے میں گولڈ برگ اور گنٹھر کے درمیان مقابلہ تھوڑا محتاط انداز میں شروع ہوا، ورلڈ ہیوی ویٹ چیمپئن مسلسل گولڈ برگ کے زخمی گھٹنے کو نشانہ بناتے رہے۔

چیمپئن بننے کی سرتوڑ کوشش میں گولڈ برگ نے اپنے مخصوص داؤ Spear اور جیک ہیمر کا بھی استعمال بھی مگر دفاعی چیمپئن نے ان کے ہر حربے کو ناکام بنا دیا۔

(جاری ہے)

ورلڈ ہیوی ویٹ چیمپئن شپ کے لیے ہونے والا مقابلہ بالآخر گنٹھر کے نام رہا، 58 سالہ گولڈ برگ کو گنٹھر نے سلیپر سب مشن داؤ کے ذریعے ہرایا، مقابلے کے دوران گنٹھر کی گولڈ برگ کے بیٹے سے بحث بھی ہوئی۔

میچ سے قبل گولڈ برگ اپنے دوستوں کے ساتھ رنگ میں آئے جبکہ 14 منٹ دورانیے کے میچ کے بعد گولڈ برگ کے خاندان کے افراد اور دوست رنگ میں جمع ہوئے اور ریسلر نے الوداعی جملے ادا کیے۔