Live Updates

رحمن پریمیئرلیگ سیزن 11، بی ٹی کے اسٹارز کی ترین اسٹرائیکرز کو 13 3رنز سے شکست

منگل 7 اکتوبر 2025 20:10

کراچی(اُردو پوائنٹ اخبارتازہ ترین - این این آئی۔ 07 اکتوبر2025ء) رحمن پریمیئر لیگ سیزن 11 سپرلیگ میں بی ٹی کے اسٹارز اور ترین اسٹرائیکرز کا میچ بقائی کرکٹ اسٹیڈیم میں منعقد ہوا، بی ٹی کے اسٹارز نے ترین اسٹرائیکرز کو 133 رنز سے شکست دی۔ جس میں بی ٹی کے اسٹارز نے پہلے کھیلتے ہوئے مقررہ 20 اوورز میں 250 رنز بنائے۔بی ٹی کے اسٹارز کے کپتان سعید حسن نے شاندار سنچری 118رنز اسکور کئے۔

تین کھلاڑیوں کو بھی پویلین کی راہ دکھائی۔ جمعہ خان 59 رنز بنا کر نمایاں رہے۔ترین اسٹرائیکرز کے امان اللہ اور حمید دو2کھلاڑیوں کو آئوٹ کرنے میں کامیاب رہے۔جواب میں ترین اسٹرائیکرز 117رنز بناسکی۔ امان اللہ 34عمر خان 18رنز بنا کر نمایاں رہے۔ سماجی رہنما احمد چوہان، شہید دانیال کرکٹ کلب کے سرپرست اعلیٰ سردار کامران خان ترین، شیخ ساجد کریم و دیگر نے کہا کہ کھیلوں کے مقابلوں سے نوجوانوں کی جسمانی نشوونما میں مدد ملتی ہے۔

(جاری ہے)

میدان آباد ہوں گے تو اسپتال ویران ہوں گے۔سردار کامران خان ترین نے کہا کہ سندھ بھر میں اسپورٹس سرگرمیاں پھیلائی جائیں گی۔ کرکٹ، فٹبال، ہاکی، بیڈمنٹن، اسکواش، ٹینس تمام کھیلوں کے کھلاڑیوں کو سپورٹ کرنے کی ضرورت ہے۔ کرکٹ کو فروغ دے کر نوجوانوں کو مثبت سرگرمیوں کی جانب راغب کیا جا سکتا ہے۔ شہر کی ترقی کیلئے گرائونڈز کو آباد کرنے کی ضرورت ہے۔ کرکٹ، ہاکی سمیت تمام کھیلوں کا ٹیلنٹ موجود ہے۔ صحت مند معاشرے کے لیئے نصابی سرگرمیوں کے ساتھ غیر نصابی سرگرمیوں کی بھی ضرورت ہے