بوسن انٹرنیشنل سی فوڈ اینڈ فشریز ایکسپو میں میں شرکت کے لئے درخواستیں 18 جولائی تک جمع کرائی جاسکتی ہیں،ٹی ڈی اے پی

پیر 14 جولائی 2025 14:57

اسلام آباد (اُردو پوائنٹ اخبارتازہ ترین - اے پی پی۔ 14 جولائی2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ جنوبی کوریا میں 5 نومبر سے ہونے والی بین الاقوامی تجارتی نمائش ’’ بوسن انٹرنیشنل سی فوڈ اینڈ فشریز ایکسپو‘‘ میں شرکت کے لئے18جولائی تک درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش جنوبی کوریا میں5 نومبر سے 7 نومبر تک جاری رہے گی جس میں سی فوڈ اور فشریز پراڈکٹس، آلات ماہی گیری ، سی فوڈ پراسیسنگ اینڈ پیکجنگ سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔\932