کراچی، عزیزآباد اور میمن گوٹھ پولیس کی کارروائیاں، 3 ملزمان گرفتار

تیموریہ تھانے کی حدود سے چوری کی گئی ایک موٹر سائیکل برآمد کر لی گئی،پولیس حکام

پیر 14 جولائی 2025 15:15

کراچی، عزیزآباد اور میمن گوٹھ پولیس کی کارروائیاں، 3 ملزمان گرفتار

کراچی(اُردو پوائنٹ اخبارتازہ ترین - این این آئی۔ 14 جولائی2025ء)شہر قائد میں عزیزآباد اور میمن گوٹھ پولیس نے مختلف کارروائیوں کے دوران موٹر سائیکل لفٹنگ اور منشیات فروشی میں ملوث 3 ملزمان کو گرفتار کر کے ان سے اسلحہ اور منشیات سمیت دیگر سامان برآمد کر لیا۔تفصیلات کے مطابق، عزیزآباد پولیس نے اتوار اور پیر کی درمیانی شب خفیہ اطلاع پر کارروائی کرتے ہوئے موٹر سائیکل لفٹنگ میں ملوث دو ملزمان عمران اور عرفان کو گرفتار کر لیا۔

(جاری ہے)

ترجمان ایس ایس پی ڈسٹرکٹ سینٹرل کے مطابق ملزمان سے تیموریہ تھانے کی حدود سے چوری کی گئی ایک موٹر سائیکل برآمد کر لی گئی۔ملزمان منشیات کے عادی ہیں اور اس سے پہلے بھی جیل جا چکے ہیں۔ انہیں تفتیش کے لیے اینٹی وہیکل لفٹنگ سیل کے حوالے کر دیا گیا ہے۔دوسری جانب میمن گوٹھ پولیس نے منشیات فروشی اور دیگر متعدد مقدمات میں مطلوب ملزم علی گل ولد مٹھل کلھوڑو کو گرفتار کیا۔ایس ایس پی ملیر کے ترجمان کے مطابق ملزم سے 520 گرام چرس اور ایک ہزار 200 روپے کی نقد رقم برآمد کی گئی۔ ملزم منشیات فروشی کے علاوہ دیگر جرائم میں بھی ملوث رہا ہے اور ماضی میں جیل جا چکا ہے۔