zباغ سے کینو کیوں توڑی زمیندار نے 5 سالہ بچی کو یرغمال بنالیا

ذ*بچی کو درخت سے باندھ کر حبس بے جا میں رکھا، بچی بازیاب، زمیندار گرفتار

پیر 14 جولائی 2025 22:35

کوٹ ادو(اُردو پوائنٹ اخبارتازہ ترین - آن لائن۔ 14 جولائی2025ء)باغ سے کینوکی توڑی کوٹ ادو کینواحی علاقہ چوک سرور شہید میں زمیندارنی5 سالہ بچی کو باندھ کر یرغمال بنا لیا، پولیس کی فوری کارروائی کرتے ہوئے بچی کوبازیاب کرا لیا۔کوٹ ادو کے نواحی علاقے چوک سرور شہید میں ایک انسانیت سوز واقعہ پیش آیا جہاں ایک زمیندار نے باغ سے کینو توڑنے کے الزام میں 5 سالہ بچی کو درخت سے باندھ کر حبس بے جا میں رکھ لیا۔

(جاری ہے)

پولیس کے مطابق واقعہ تھانہ صدر سرور شہید کی حدود میں پیش آیا۔ زمیندار نے بچی کو باغ سے کینو توڑتے ہوئے پکڑ کر اسے یرغمال بنا لیا اور درخت سے باندھ دیا۔مقامی لوگوں نے دیکھ کر پولیس کو اطلاع دی جس پر پولیس نے فوری کارروائی کرتے ہوئے بچی کو بازیاب کرا لیا۔بازیاب بچی کو اس کے لواحقین کے حوالے کر دیا گیا جبکہ پولیس نے زمیندار کو گرفتار کرکے اس کے خلاف مقدمہ درج کر لیا ہے۔ پولیس نے واقعے کی مزید تحقیقات شروع کر دی ہیں