پنجاب پولیس لاہور سمیت صوبہ بھر میں منظم گروہوں کے خلاف سرگرم عمل،24 گھنٹوں کے دوران 07 گینگز کے 15 کارندے گرفتار

پیر 14 جولائی 2025 23:50

لاہور (اُردو پوائنٹ اخبارتازہ ترین - اے پی پی۔ 14 جولائی2025ء) پنجاب پولیس لاہور سمیت صوبہ بھر میں منظم گروہوں کے خلاف سرگرم عمل ہے جس کے تسلسل میں گزشتہ 24 گھنٹوں کے دوران 07 گینگز کے 15 کارندے گرفتار کر لئے گئے۔ ترجمان پنجاب پولیس نے تفصیلات سے آگاہ کرتے ہوئے بتایا کہ ملزمان کے قبضے سے کلاشنکوف، پسٹلز، رائفلز، ریوالورز، بندوقوں سمیت 78 ہتھیار اور سینکڑوں کی تعداد میں گولیاں برآمد کی گئیں۔

(جاری ہے)

10 موٹر سائیکلز، 10 موبائل فونز اور 20 لاکھ روپے نقدی بھی برآمد کی۔ترجمان پنجاب پولیس نے مزید بتایا کہ کاروائیوں کے دوران 118 اشتہاری مجرمان، 102عدالتی مفرور اور 62 عادی مجرمان گرفتار کئے گئے۔ جرائم پیشہ عناصر کے خلاف کارروائیوں میں 04 مجرمان کیفر کردار کو پہنچے، 06 زخمی اور 05 گرفتار کئے گئے۔ آئی جی پنجاب نے افسران کو جرائم پیشہ افراد کے خلاف آپریشنز تیزی سے جاری رکھنے کی ہدایت کی۔