کراچی‘ چھالیہ اسمگلنگ کی کوشش ناکام، ملزم 150 کلو چھالیہ سمیت گرفتار

ملزم کار میں چھالیہ اسمگل کر کے لارہا تھا، ملزم کا ارادہ اس چھالیہ کو شہر میں سپلائی کرنا تھا

منگل 15 جولائی 2025 13:42

کراچی (اُردو پوائنٹ اخبارتازہ ترین - این این آئی۔ 15 جولائی2025ء)پولیس نے کراچی کے علاقے منگھوپیر میں چھالیہ اسمگلنگ کی کوشش ناکام بنا کر ملزم کو 150 کلو چھالیہ سمیت گرفتار کر لیا۔پولیس کے مطابق منگھوپیر میں کار میں چھپا کر چھالیہ کی سپلائی کی کوشش ناکام بنادی گئی۔

(جاری ہے)

پولیس کا کہنا ہے کہ چھالیہ اسمگلنگ میں ملوث ملزم کو گرفتار کر کے چھالیہ برآمد کرلی گئی ہے، ملزم کار میں چھالیہ اسمگل کر کے لارہا تھا، ملزم کا ارادہ اس چھالیہ کو شہر میں سپلائی کرنا تھا۔

پولیس کے مطابق ملزم سے بوروں میں موجود 150 کلو چھالیہ، کار اور نقد رقم برآمد کر لی گئی ہے۔یاد رہے کہ ایک روز قبل ضلع کیماڑی کی پولیس نے کارروائی کرتے ہوئے سیمنٹ کے بوروں میں چھپا کر 3 ٹن چھالیہ اسمگلنگ کی کوشش ناکام بنادی تھی۔پولیس کے مطابق چھالیہ کا وزن 3 ٹن سے زیادہ تھا جو بلوچستان سے کراچی منتقل کی جارہی تھی۔