پاکستان کی گرلز ٹیم نے پہلی بار ورلڈ ربوٹکس اولمپیاڈ کیلئے کوالیفائی کرلیا

منگل 9 ستمبر 2025 22:41

کراچی(اُردو پوائنٹ اخبارتازہ ترین - آن لائن۔ 09 ستمبر2025ء)پاکستان کی گرلز ٹیم نے پہلی بار ورلڈ ربوٹکس اولمپیاڈ کے لیے کوالیفائی کر لیا۔ورلڈ روبوٹکس اولمپیاڈ اس سال نومبر میں سنگاپور میں ہو گی۔میگا ایونٹ کے لیے کوالیفائی کرنے والی تینوں لڑکیوں کا تعلق کراچی سے ہے۔

(جاری ہے)

ایمان زہرہ مرچنٹ، عنایہ انس اور عائرہ رضوی نے ورلڈ ایونٹ کے لیے کوالیفائی کیا ہے۔ تینوں لڑکیوں کی عمریں 12 سے 13 سال ہے اور آٹھویں جماعت کی طالب علم ہیں۔تینوں لڑکیوں کی ٹیم نے سندھ کپ میں پہلی اور قومی سطح کے مقابلے میں دوسری پوزیشن حاصل کی۔سندھ اور پاکستان سطح پر ہونے والے مقابلے ورلڈ ربوٹکس اولمپیارڈ کی نگرانی میں ہو رہے تھے۔