روہت شرما کی اسپتال آمد، مداحوں میں تشویش پھیل گئی

روہت میڈیا نمائندوں کے سوالوں کا جواب دیے بغیر وہ تیزی سے اندر چلے جاتے ہیں

منگل 9 ستمبر 2025 15:11

روہت شرما کی اسپتال آمد، مداحوں میں تشویش پھیل گئی

نئی دہلی (اُردو پوائنٹ اخبارتازہ ترین - این این آئی۔ 09 ستمبر2025ء)بھارتی وًن ڈے کرکٹ ٹیم کے کپتان روہت شرما کے گزشتہ روز ممبئی کے کوکیلابین اسپتال جانے پر شائقین میں اِن کی صحت سے متعلق تشویش کی لہر دور گئی ہے۔سوشل میڈیا پر وائرل ایک ویڈیو میں دیکھا جا سکتا ہے کہ روہت شرما اسپتال میں داخل ہو رہے ہیں تاہم میڈیا نمائندوں کے سوالوں کا جواب دیے بغیر وہ تیزی سے اندر چلے جاتے ہیں۔

(جاری ہے)

بھارتی میڈیا کے مطابق روہت شرما کے اسپتال جانے کی اصل وجہ تاحال سامنے نہیں آ سکی ہے۔بھارتی میڈیا کا کہنا ہے کہ روہت شرما کے مداحوں کو اس لیے بھی تشویش لاحق ہو گئی ہے کیوں کہ روہت آسٹریلیا کے خلاف آنے والی وًن ڈے سیریز میں طویل عرصے بعد واپسی کرنے والے ہیں۔روہت شرما نے بھارت کے لیے آخری مرتبہ چیمپئنز ٹرافی میں شرکت کی تھی جبکہ اِن کا آخری کرکٹ میچ رواں سال آئی پی ایل میں ممبئی انڈینز کی نمائندگی کرتے ہوئے کھیلا گیا تھا۔