پشاور ہائیکورٹ: مخصوص نشستوں سے متعلق پی ٹی آئی کی درخواست اعتراض لگا کر واپس

منگل 15 جولائی 2025 17:15

پشاور (اُردو پوائنٹ اخبارتازہ ترین - این این آئی۔ 15 جولائی2025ء)پشاور ہائیکورٹ کے رجسٹرار نے مخصوص نشستوں سے متعلق تحریک انصاف کی درخواست اعتراض لگا کر واپس کردی۔رجسٹرار پشاور ہائیکورٹ کے مطابق سپریم کورٹ کے آئینی بینچ نے پشاور ہائیکورٹ کا مخصوص نشستوں سے متعلق فیصلہ برقرار رکھا اور ہائیکورٹ کا فیصلہ اب سپریم کورٹ کے فیصلے میں ضم ہوچکا ہے۔

(جاری ہے)

رجسٹرار نے کہا کہ یہ درخواست اب قابل سماعت نہیں ہے لہٰذا اس کو واپس کیا جاتا ہے۔واضح رہے کہ پی ٹی آئی کے صوبائی جنرل سیکرٹری علی اصغر نے پشاور ہائیکورٹ میں مخصوص نشستوں سے متعلق درخواست دائرکی تھی جس میں موقف اپنایا گیا تھا کہ پشاور ہائیکورٹ کے مخصوص نشستوں سے متعلق فیصلے میں تحریک انصاف پارٹی نہیں تھی۔درخواست میں پشاور ہائیکورٹ کا 25 مارچ 2024 کو مخصوص نشستوں کا فیصلہ کالعدم قرار دے کر پی ٹی آئی کو فریق بنانے کی استدعا کی گئی تھی۔