ّحلقہ انتخاب میں حب اسپیشل اکنامک زون منصوبے پر تیزی سے کام جاری ہے ، میر علی حسن زہری

منگل 15 جولائی 2025 21:10

(کوئٹہ (آن لائن) وفاقی وزیر تجارت جام کمال خان اورصوبائی وزیر میر علی حسن زہری کے حلقہ انتخاب میں حب اسپیشل اکنامک زون منصوبے پر تیزی سے کام جاری ہے وفاقی حکومت کے تعاون سے تین ارب کی لاگت کا منصوبہ صنعتی ترقی کی جانب سے اہم پیشرفت ہے وزارت دفاعی پیداواروانڈسٹریز کی جوائنٹ سیکریٹری عزراجمالی اورمانیٹرنگ افسر انجینئر شعیب کی سربراہی میں ٹیم نے لیڈا کا دورہ کیا۔

اوربلوچستان میں صنعتی شعبے کی ترقی وفروغ کے حوالے سے حب اسپیشل اکنامک زون پراجیکٹ سے متعلق اجلاس کی صدارت کی۔اجلاس میں ایم ڈی لیڈالیاقت کاشانی نے وفاقی جوائنٹ سیکریٹری کو پراجیکٹ پر پیشر فت سے متعلق بریفنگ دی بریفنگ میں بتایا گیا کہ 75فیصدفزیکل 65فیصد فنانشل پروگریس کیساتھ منصوبے پر کام جاری ہے ا یم ڈی لیڈا نے بریفنگ میں بتایا کہ حب اسپیشل اکنامک زون منصوبے کے تحت چارسوچھ ایکڑ رقبے پر 65نئے صنعتی فیکرٹریاں دس ویئر ہاس اور4کمرشل سیکٹر کے یونٹس قائم ہونگے صنعتی ترقی کے ان منصوبوں کی بدولت روزگارکے نئے مواقع پید اہونگے اجلاس میں پرمنصوبے کی بروقت تکمیل اوردیگر مسائل کے حوالے سے بھی وفاقی جوائنٹ سیکرٹری کو آگاہ کیا گیا ایم ڈی لیڈا نے وفاقی جوائنٹ سیکرٹری کو بتایا کہ منصوبے کی تکمیل کیلئے 300ملین کی ضرورت ہے وفاقی حکومت کی جانب سے 100ملین کے فنڈزکا اجراکیا گیا ہے ضروریات کی مطابق فنڈز کا اجراممکن ہو تو منصوبے کو رواں سال کامیابی سے مکمل کیا جاسکتا ہے۔

(جاری ہے)