کراچی، نشہ آور چائے پلا کر گھروں کا صفایا کرنے والی ایک اور کروڑ پتی ماسی گرفتار، تحقیقات میں اہم انکشافات

گرفتار گھریلو ملزمہ کی شناخت فرزانہ کوثر عرف مہرین کے نام سے کی گئی جو ایک بنگلے سے 65 لاکھ مالیت کے زیورات چوری کر کے کراچی سے فرار ہوگئی تھی، ملزمہ اسلام آباد کی ایک جیل میں 3 سال گزار چکی ہے،ایس ایس پی ساؤتھ

فیصل علوی بدھ 16 جولائی 2025 11:07

کراچی، نشہ آور چائے پلا کر گھروں کا صفایا کرنے والی ایک اور کروڑ پتی ..

کراچی(اردوپوائنٹ اخبار تازہ ترین۔16جولائی 2025)کراچی میں گھر کے مکینوں کو نشہ آور چائے پلا کر گھروں کا صفایا کرنے والی ایک اور کروڑ پتی ماسی گرفتار،تحقیقات میں اہم انکشافات سامنے آگئے،ملزمہ کا دوران تفتیش کراچی کے علاوہ راولپنڈی میں بھی وارداتوں کا بھی اعتراف،بتایا گیا ہے کہ کراچی کے پوش علاقے ڈیفنس سے ایک اور کروڑ پتی ماسی کو گرفتار کیا گیا ہے۔

تفتیشی حکام کا کہنا ہے کہ چوری کے مقدمے میں گرفتار ملزمہ مہرین اسلام آباد کی ایک جیل میں 3 سال گزار چکی ہے۔ایس ایس پی انویسٹی گیشن ساؤتھ علی حسن کاکہناہے کہ گرفتار گھریلو ملزمہ کی شناخت فرزانہ کوثر عرف مہرین کے نام سے کی گئی جو کہ ایک بنگلے سے 65 لاکھ روپے مالیت کے زیورات چوری کر کے کراچی سے فرار ہوگئی تھی۔

(جاری ہے)

ملزمہ نے تفتیشی حکام کو بیان دیا کہ قید کے دوران جیل میں سلائی کا کام کرنے پر سابق وزیراعظم نے اسے ایوارڈ بھی دیا تھا۔

ایس ایس پی انویسٹی گیشن ساؤتھ کایہ بھی کہنا تھا کہ گرفتار گھریلو ملزمہ کی شناخت فرزانہ کوثر عرف مہرین کے نام سے کی گئی جو کہ ایک بنگلے سے 65 لاکھ روپے مالیت کے زیورات چوری کر کے کراچی سے فرار ہوگئی تھی۔پولیس کے مطابق ملزمہ مہرین کا تعلق فیصل آباد سے ہے اس کے خلاف لاہور میں بھی متعدد مقدمات درج ہیں۔ ملزمہ کے خلاف دسمبر 2024ء میں شوکت محمود نے ڈیفنس تھانے میں مقدمہ درج کروایا تھا ۔

مقدمے کے متن کے مطابق ملزمہ نے چائے میں نشہ آور دوا پلا کر اہلخانہ کو بیہوش کیا، اس کے بعد گھر سے زیورات نقدی اور دیگر سامان لوٹ کر فرار ہوگئی تھی۔واردات کے دوران ملزمہ نے گھر کے مکینوں کو نشہ آور گرین ٹی پلا کر بے ہوش کر دیا تھا، جسے انویسٹی گیشن پولیس نے ٹیکنیکل بنیادوں پر حراست میں لے کر تفتیش کے دوران گرفتار کرلیا گیا۔ ایس ایس پی انوسٹی گیشن نے کہا کہ گھریلو ملازمہ نے ابتدائی تفتیش میں گھروں میں ماسی کا کام حاصل کر کے متعدد وارداتوں کا اعتراف کیا ہے جس کی مزید چھان بین کی جا رہی ہے۔

تفتیشی حکام کا کہنا تھا کہ مذکورہ واردات مجموعی طور پر 65 لاکھ روپے سے زائد کی تھی۔ ملزمہ مہرین چوری کی واردات میں فیروز آباد تھانے میں گرفتار ہوئی تھی۔ گرفتاری کی اطلاع ملنے پر مدعی مقدمہ فیروز آباد تھانے پہنچے اور ملزمہ کو شناخت کیا۔ تفتیشی افسر کے مطابق ڈیفنس پولیس نے بھی مقدمے میں ملزمہ کی گرفتاری ڈال دی ہے۔ان کا کہنا یہ بھی تھا کہ ملزمہ راولپنڈی میں بھی اسی طرح کی وارداتیں کر چکی ہیں اور اس حوالے سے بھی تفصیلات حاصل کی جا رہی ہیں۔