پنجاب میں عارضہ قلب کے دوہسپتالوں پر اسپیشلائزڈ انسٹی ٹیوشن ایکٹ لاگو

پنجاب سول سرونٹس ایکٹ کا نفاذ نہیں ہوگا،ڈاکٹرز ،عملے کو سرکاری ملازم کا درجہ حاصل نہیں ہوگا

بدھ 16 جولائی 2025 13:09

لاہور(اُردو پوائنٹ اخبارتازہ ترین - این این آئی۔ 16 جولائی2025ء)پنجاب میں عارضہ قلب کے دو ہسپتالوں پر اسپیشلائزڈ انسٹی ٹیوشن ایکٹ لاگو کردیا گیا، ڈاکٹرز اور عملے کو سرکاری ملازم کا درجہ حاصل نہیں ہوگا۔

(جاری ہے)

جناح انسٹی ٹیوٹ آف کارڈیالوجی لاہور اور نواز شریف انسٹی ٹیوٹ آف کارڈیالوجی سرگودھا پر میڈیکل انسٹی ٹیوشن ایکٹ نافذ کردیا گیا۔دونوں ہسپتالوں پر پنجاب سول سرونٹس ایکٹ کا نفاذ نہیں ہوگا۔امراض قلب کے ہسپتالوں میں ملازمین کی بھرتی اور مدت ملازمت کا فیصلہ بورڈ کرے گا۔اسپیشلائزڈ میڈیکل انسٹی ٹیوشن ایکٹ کے تحت بورڈ وسیع اختیارات کا حامل ہوگا۔