11 سالہ انڈونیشین بچے کا ڈانس دنیا بھر میں دھوم مچانے لگا، ویڈیو وائرل

امریکا، برطانیہ، کینیڈا، اور آسٹریلیا سمیت کئی ممالک کے کھلاڑی اسی ڈانس کو فالو کرنے لگے،رپورٹ

بدھ 16 جولائی 2025 19:58

جکارتہ(اُردو پوائنٹ اخبارتازہ ترین - این این آئی۔ 16 جولائی2025ء)انڈونیشیا میں ہونے والی روایتی کشتی ریس کے دوران 11 سالہ طالبعلم ریان ارکان دخا کے دلچسپ اور منفرد ڈانس نے دنیا بھر کے دل جیت لیے۔ میڈیارپورٹس کے مطابق یہ ویڈیو اتنی مقبول ہوئی کہ امریکا، برطانیہ، کینیڈا، اور آسٹریلیا سمیت کئی ممالک کے کھلاڑی اسی ڈانس کو فالو کرنے لگے ۔

(جاری ہے)

یہ واقعہ انڈونیشیا کی صدیوں پرانی ثقافتی کشتی ریس کے دوران پیش آیا جہاں ہر کشتی کے فرنٹ پر ایک بچہ یا بچی کھلاڑیوں کا حوصلہ بڑھانے کے لیے ڈانس کرتا ہے۔

ریان ارکان دخا نے نہ صرف ڈانس کیا بلکہ ایسا انداز اپنایا کہ سوشل میڈیا پر طوفان آگیا۔ بی بی سی کے مطابق ریان نے یہ ڈانس خود تخلیق کیا اور کسی پلاننگ کے بغیر فی البدیہہ رقص شروع کر دیا۔ریان کے رقص کی ویڈیو وائرل ہونے کے بعد، دنیا بھر کے ایتھلیٹس، فٹبالرز، باسکٹ بال کھلاڑی، اور رگبی ٹیمیں کھیل کے بعد ریان کے اسٹیپس پر جھومتی نظر آ رہی ہیں۔