جس دن اپوزیشن کا ایک ممبر بھی زیادہ ہوگا تحریک عدم اعتماد لاسکتے ہیں، گورنر کے پی

بدھ 16 جولائی 2025 20:45

پشاور(اُردو پوائنٹ اخبارتازہ ترین - آن لائن۔ 16 جولائی2025ء)گورنر خیبر پختونخوا فیصل کریم کنڈی نے کہا ہے کہ جس دن اپوزیشن جماعتوں کے پاس ایک ممبر بھی زیادہ ہوگا تحریک عدم اعتماد لاسکتے ہیں۔

(جاری ہے)

نجی ٹی وی سے گفتگو میں فیصل کریم کنڈی نے کہا کہ تحریک عدم اعتماد لانا جمہوری و آئینی حق ہے، گورنر راج لگانے کا ہمارا کوئی ارادہ نہیں انہیں سیاسی شہید نہیں بنائیں گے۔فیصل کریم کنڈی نے کہا کہ ہارس ٹریڈنگ روکنا حکومت کی ذمے داری ہے، اپوزیشن کے 5 اور حکومت کے 6 سینیٹرز بنتے ہیں چاہتے ہیں یہ بلامقابلہ منتخب ہوں۔انہوں نے کہا کہ پی ٹی آئی میں کسی کے پاس اختیار نہیں، یہ کسی سیاسی جماعت کے ساتھ نہیں چل سکتے۔