اجرک والی نمبر پلیٹ‘ گورنر سندھ نے صوبائی حکومت سے بڑا مطالبہ کردیا

بدھ 16 جولائی 2025 21:54

کراچی(اُردو پوائنٹ اخبارتازہ ترین - آن لائن۔ 16 جولائی2025ء)گورنر سندھ نے صوبائی حکومت سے اجرک ڈیزائن والی نمبر پلیٹ بلامعاوضہ اور بطور تحفہ دینے کا مطالبہ کردیا۔

(جاری ہے)

ایک صحافی کے ساتھ اجرک ڈیزائن والی نمبر پلیٹ کے حوالے سے گفتگو کرتے ہوئے گورنر سندھ کامران خان ٹیسوری نے کہا کہ اجرک سندھ کہ تہذیب، ثقافت اور عزت کی علامت ہے جو ہمیشہ تحفے کے طور پر دی جاتی ہے۔ترجمان گورنر ہاؤس کے مطابق صحافی نے اجرک ڈیزائن والی نمبر پلیٹ نہ لگانے پر عوام کو درپیش مشکلات کی نشاندہی کی، جس پر گورنر سندھ نے کہا کہ صوبائی روایات کے احترام میں اجرک نمبر پلیٹ پہلی بار بلا معاوضہ بطور تحفہ دی جائے۔ انہوں نے سندھ حکومت کو ٹیکسز اور دیگر واجبات پر نظرثانی کی تجویز بھی دی۔