وزیرصحت خواجہ سلمان رفیق کا سید محمد حسین گورنمنٹ جنرل کم ٹی بی ہسپتال ساملی کا دورہ

جمعرات 17 جولائی 2025 20:05

لاہور (اُردو پوائنٹ اخبارتازہ ترین - این این آئی۔ 17 جولائی2025ء)صوبائی وزیر صحت خواجہ سلمان رفیق نے سیدمحمد حسین گورنمنٹ جنرل کم ٹی بی ہسپتال ساملی کا دورہ کیا۔اس موقع پر ایم ایس ڈاکٹر قیصر عباسی اور سی اینڈ ڈبلیو کے افسران موجود تھے۔صوبائی وزیرصحت خواجہ سلمان رفیق نے ٹی بی ہسپتال کے مختلف شعبہ جات،آپریشن تھیٹرزو وارڈز کا دورہ کیا اور مریضوں کی عیادت کی۔

ایم ایس ہسپتال نے خواجہ سلمان رفیق کو مریضوں کو فراہم کی جانے والی طبی سہولیات سے آگاہ کیا۔خواجہ سلمان رفیق نے جاری ترقیاتی کاموں کا بھی جائزہ لیا۔صوبائی وزیرصحت خواجہ سلمان رفیق نے کہاکہ مری اور اس کے گردونواح کے اضلاع کی لاکھوں کی آبادی کی سہولت کیلئے اس ہسپتال کو اپ گریڈ کیا جا رہا ہے۔وزیر اعلیٰ پنجاب مریم نواز شریف کے ویژن کے مطابق اس ہسپتال میں پہلی کیتھ لیب بنا رہے ہیں۔

(جاری ہے)

وزیراعلیٰ پنجاب مریم نوازشریف کی زیرقیادت حکومت پنجاب عوام کیلئے صحت کے شعبہ میں تاریخی اور انقلابی اقدامات اٹھارہی ہے۔خواجہ سلمان رفیق نے کہاکہ سرکاری ہسپتالوں میں مریضوں کو بہترین طبی سہولیات کی فراہمی ہماری اولین ترجیح ہے۔حکومت پنجاب عوام کو ان کے گھرکی دہلیزپر صحت کی بہترسہولیات فراہم کرنے کیلئے کوشاں ہے۔کوشش ہے کہ کسی بھی مریض کو سرکاری ہسپتالوں میں مشکلات کا سامنانہ کرناپڑے۔

صوبائی وزیرصحت خواجہ سلمان رفیق نے کہاکہ چیف منسٹرزچلڈرن ہارٹ سرجری پروگرام،چیف منسٹرزڈائیلسزپروگرام اور چیف منسٹرز سپیشل انشی ایٹوفار ٹرانسپلانٹ حکومت پنجاب کے فلیگ شپ پروگرامزہیں۔صوبائی وزیرصحت نے سید احمد حسین گورنمنٹ جنرل کم ٹی بی ہسپتال مری میں جاری کام کو جلد مکمل کرنے کی ہدایت کی ۔