مون سون بارشوں سے آبی ذخائر بڑھ گئے، قابل استعمال ذخیرہ 83 لاکھ ایکڑ فٹ تک پہنچ گیا

جمعرات 17 جولائی 2025 20:10

اسلام آباد (اُردو پوائنٹ اخبارتازہ ترین - این این آئی۔ 17 جولائی2025ء)مون سون بارشوں سے آبی ذخائر بڑھ گئے جبکہ قابل استعمال پانی کا ذخیرہ 83 لاکھ ایکڑ فٹ تک پہنچ گیا۔ترجمان ارسا کے مطابق تربیلا ڈیم میں پانی کی سطح مسلسل بلند ہونے کے باعث اسپیل ویز کھول دیے گئے ہیں۔

(جاری ہے)

ترجمان ارسا کے مطابق منگلا ڈیم میں پانی کی سطح 1186 فٹ تک پہنچ گئی ہے جبکہ 1242 فٹ پر ڈیم بھر جاتا ہے۔ترجمان ارسا کے مطابق چشمہ بیراج میں پانی کی سطح 648 فٹ تک پہنچ گئی ہے جبکہ پانی کی گنجائش صرف ایک فٹ رہ گئی، ترجمان کا کہنا ہے کہ ڈیمز کی صورتحال مکمل کنٹرول میں ہے تاہم اربن فلڈنگ ہورہی ہے۔