افغان مہاجرین کے انخلا پر حکم امتناع کی استدعا مسترد

عدالت حکومتی پالیسی میں مداخلت نہیں کرے گی، جسٹس انعام امین منہاس

جمعرات 17 جولائی 2025 21:25

اسلام آباد (اُردو پوائنٹ اخبارتازہ ترین - این این آئی۔ 17 جولائی2025ء)اسلام آباد ہائیکورٹ نے افغان مہاجرین کے انخلا پر حکم امتناع کی استدعا مسترد کر دی جبکہ جسٹس انعام امین منہاس نے ریمارکس دیئے میں اس پر بالکل کلیئر ہوں کہ عدالت حکومتی پالیسی میں مداخلت نہیں کریگی۔

(جاری ہے)

درخواست گزار فرحت اللہ بابر کے وکیل نے استدعا کی کہ عدالت کارڈ ہولڈر افغان باشندوں کے انخلا کو کیس کے فیصلے تک روکنیکا حکم جاری کرے۔

جسٹس انعام امین منہاس نے کہا حکومت کی پالیسی ہے کہ 30 جون تک افغان باشندوں کو اپنے وطن واپس جانا ہے۔ حکومت کہہ رہی ہے اس نے مہاجرین کا کنٹریکٹ سائن نہیں کیا۔ 30 جون کے بعد کوئی پروٹیکشن نہیں دی جا سکتی۔عدالت نے مہاجرین کے انخلا پر حکم امتناع کی استدعا مسترد کرتے ہوئے کیس کی سماعت ملتوی کر دی۔