Live Updates

ہمسایہ ممالک ترقی کر رہے ہیں، پاکستان معاشی بحران میں ڈوبا ہوا ہے،مولانا فضل الرحمن

عام آدمی کی زندگی میں تبدیلی لائے بغیر بہتری ممکن نہیں، پاکستان کو اسلامی جمہوری ریاست بنانے کی جدوجہد جاری رکھیں گے، یہ وطن اسلام کے نام پر حاصل کیا، اس کی نظریاتی بنیادوں پر سمجھوتہ نہیں ہوگا،فرخ کھوکھر کی جے یو آئی میں شمولیت خوش آئند ہے، ان کی شمولیت سے جماعت کا قافلہ مزید مضبوط ہوگا، سربراہ جے یو آئی کی فرخ کھوکھر کی جے یو آئی میں شمولیت کے موقع پر خطاب

جمعہ 18 جولائی 2025 19:45

ہمسایہ ممالک ترقی کر رہے ہیں، پاکستان معاشی بحران میں ڈوبا ہوا ہے،مولانا ..

اسلام آباد (اُردو پوائنٹ اخبارتازہ ترین - این این آئی۔ 18 جولائی2025ء)جمعیت علمائے اسلام (ف) کے سربراہ مولانا فضل الرحمن نے کہاہے کہ ہمسایہ ممالک ترقی کر رہے ہیں، پاکستان معاشی بحران میں ڈوبا ہوا ہے،عام آدمی کی زندگی میں تبدیلی لائے بغیر بہتری ممکن نہیں، پاکستان کو اسلامی جمہوری ریاست بنانے کی جدوجہد جاری رکھیں گے، یہ وطن اسلام کے نام پر حاصل کیا، اس کی نظریاتی بنیادوں پر سمجھوتہ نہیں ہوگا،فرخ کھوکھر کی جے یو آئی میں شمولیت خوش آئند ہے، ان کی شمولیت سے جماعت کا قافلہ مزید مضبوط ہوگا۔

سربراہ جے یو آئی مولانا فضل الرحمان نے ڈیرہ تاجی کھوکھر پر شمولیتی پروگرام سے خطاب کرتے ہئوے کہاکہ اس اجتماع میں فرخ کھوکھر کی جے یو آئی میں شمولیت خوش آئند ہے، ان کی شمولیت سے جماعت کا قافلہ مزید مضبوط ہوگا۔

(جاری ہے)

انہوںنے کہاکہ پاکستان کو اسلامی جمہوری ریاست بنانے کی جدوجہد جاری رکھیں گے۔ انہوںنے کہاکہ ہم نے آئین کو اسلامی بنانے کے لیے ہر فورم پر آواز بلند کی،ختم نبوت کے معاملے پر سپریم کورٹ کو مؤقف بدلنے پر مجبور کیا، مولانا فضل الرحمان کہاکہ دنیا بھر میں مذہب کی توہین کی جا رہی ہے، پاکستان میں مخصوص لابی مذہبی اقدار کو کمزور کرنا چاہتی ہے۔

انہوںنے کہاکہ یہ وطن اسلام کے نام پر حاصل کیا، اس کی نظریاتی بنیادوں پر سمجھوتہ نہیں ہوگا۔ انہوںنے کہاکہ ہم پاکستان میں آئین و قانون کی بالادستی چاہتے ہیں، مہنگائی نے عوام کا جینا محال کر دیا ہے، معیشت کا دھڑن تختہ ہو چکا، ہمسایہ ممالک ترقی کر رہے ہیں، پاکستان معاشی بحران میں ڈوبا ہوا ہے۔ انہوںنے کہاکہ عام آدمی کی زندگی میں تبدیلی لائے بغیر بہتری ممکن نہیں، فرخ کھوکھر کے ڈیرے کا فیصلہ اسلام آباد و راولپنڈی کے سیاسی رجحان کا مظہر ہے۔

اس موقع پر فرخ کھوکھر نے مولانا فضل الرحمان کی موجودگی میں جمعیت علمائے اسلام میں شمولیت کا اعلان کرتے ہوئے کہاکہ مولانا فضل الرحمان کو اپنے ڈیرے آنے پر خوش آمدید کہتے ہیں ۔ انہوںنے کہاکہ میرا گھرانہ سیاسی ہے، میرے والد پیپلز پارٹی سے منسلک تھے ۔ انہوںنے کہاکہ ختم نبوت کی تقریر سن کر میں مولانا فضل الرحمان سے متاثر ہوا ۔انہوںنے کہاکہ بھارت سے جنگ کے دوران مولانا فضل الرحمان نے پاک فوج کا بھرپور ساتھ دیا ۔