ہری پور پولیس کی کارروائیاں، 2 منشیات فروش رنگے ہاتھوں چرس سمیت گرفتار

جمعہ 18 جولائی 2025 13:02

ایبٹ آباد (اُردو پوائنٹ اخبارتازہ ترین - اے پی پی۔ 18 جولائی2025ء) ہری پور پولیس نے منشیات فروشوں کے خلاف کارروائیوں کے دوران 2 منشیات فروشوں کو گرفتار کر کے 7 کلو سے زائد چرس اور رائفل برآمد کر لی۔ ہری پور پولیس کے مطابق ڈی پی او فرحان خان کے احکامات کی روشنی میں منشیات سے پاک ہری پور مہم کامیابی جاری ہے۔

(جاری ہے)

ایس ایچ او تھانہ سرائے صالح اعجاز علی نے پولیس نفری کے ہمراہ کارروائی کرتے ہوئے منشیات فروشی میں ملوث شہزاد ولد میاں خان سکنہ درشخیل کو گرفتار کر کے قبضہ سے 5 کلو 120 گرام چرس، 121 آئس، ایک رائفل اور ایمونیشن برآمد کر لیا۔

دوسری کارروائی میں ایس ایچ او تھانہ غازی شہریار خان نے پولیس نفری کے ہمراہ محمد زیب ولد جمعہ گل سکنہ خالو غازی کو گرفتار کر کے قبضہ سے 2 کلو 369 گرام چرس برآمد کی۔ ملزمان کے خلاف الگ الگ مقدمات درج کر کے تفتیش شروع کر دی گئی ہے۔