جوہری مذاکرات سے متعلق اپنے فیصلے قومی مفادات کی بنیاد پر کریں گے ، ایران

امریکہ سے مذاکرات کی بحالی کے لیے تا حال کوئی مقررہ وقت یا مقام طے نہیں ہوا ،حکومتی ترجمان

جمعہ 18 جولائی 2025 13:03

تہران (اُردو پوائنٹ اخبارتازہ ترین - این این آئی۔ 18 جولائی2025ء)ایرانی حکومت کی ترجمان فاطمہ مہاجرانی نے کہا ہے کہ جوہری پروگرام سے متعلق مذاکرات کا آغاز یا ان سے دست برداری کا فیصلہ قومی مفادات کی بنیاد پر کیا جائے گا۔

(جاری ہے)

مہاجرانی نے اسرائیلی وزیرِاعظم بنیامین نیتن یاہو کے بیان پر رد عمل دیتے ہوئے کہا کہ ایران اور امریکہ کے درمیان جوہری مذاکرات میں ایرانی میزائلوں کے دائرہ کار کو محدود کرنے کی بات ہو رہی ہے۔ ترجمان نے کہا جیسا کہ پہلے بھی اعلان کیا جا چکا ہے، ہر اقدام ،خواہ وہ بات چیت ہو یا مذاکرات کی میز سے کنارہ کشی، قومی مفادات کی روشنی میں پرکھا جائے گا، اور فیصلہ ان اصولوں کے مطابق کیا جائے گا جن پر ایران اب تک کاربند رہا ہے۔