ایوان بالا نے قانون حوالگی ملزمان بابت 1972 میں مزید ترمیم کا بل حوالگی ملزمان (ترمیمی) بل 2025کی منظوری دیدی

جمعہ 18 جولائی 2025 13:40

اسلام آباد (اُردو پوائنٹ اخبارتازہ ترین - اے پی پی۔ 18 جولائی2025ء) پارلیمنٹ کے ایوان بالا نے قانون حوالگی ملزمان بابت 1972 میں مزید ترمیم کا بل حوالگی ملزمان (ترمیمی) بل 2025کی منظوری دیدی۔

(جاری ہے)

جمعہ کو سینیٹ اجلاس میں وزیر مملکت برائے داخلہ طلال چوہدری نے تحریک پیش کی کہ قانون حوالگی ملزمان بابت 1972 میں مزید ترمیم کرنے کا بل حوالگی ملزمان (ترمیمی) بل 2025قائمہ کمیٹی کی رپورٹ کردہ صورت میں فی الفور زیر غور لایا جائے۔

ایوان بالا نے تحریک کی منظوری دیدی جس کے بعد ڈپٹی چیئرمین سینیٹ سیدال خان ناصر نے بل کی تمام شقوں کی یکے بعد دیگرے ایوان سے منظوری حاصل کی ۔وزیر مملکت برائے داخلہ طلال چوہدری نے تحریک پیش کی کہ قانون حوالگی ملزمان بابت 1972 میں مزید ترمیم کرنے کا بل حوالگی ملزمان (ترمیمی) بل 2025 منظور کیا جائے۔ایوان بالا نے اتفاق رائے سےبل کی منظوری دیدی ۔\932