40 ارب روپے کا کوہستان میگا کرپشن اسکینڈل، 7 اہم ملزمان گرفتار

ملزمان پرجعلی بلنگ، مالیاتی دھوکہ دہی اورمنی لانڈرنگ کے ذریعے اربوں روپے کی خوردبرد کا الزام

ہفتہ 19 جولائی 2025 13:43

40 ارب روپے کا کوہستان میگا کرپشن اسکینڈل، 7 اہم ملزمان گرفتار

اسلام آباد(اُردو پوائنٹ اخبارتازہ ترین - این این آئی۔ 19 جولائی2025ء) قومی احتساب بیورو(نیب) نے 40 ارب روپے کے کوہستان میگا کرپشن اسکینڈل میں 7 اہم ملزمان گرفتار کر لیے۔گرفتار افراد میں 2 سرکاری افسر، 2 بینکرز اور 3 ٹھیکیدار شامل ہیں، ملزمان پر جعلی بلنگ، مالیاتی دھوکہ دہی اور منی لانڈرنگ کے ذریعے اربوں روپے کی خوردبرد کا الزام ہے۔

(جاری ہے)

نیب ذرائع کے مطابق گرفتار ملزمان کو احتساب عدالت میں پیش کیا جائے گا۔

ایک ٹھیکیدار نے 3 ارب 45 کروڑ روپے کی پلی بارگین کی دوبارہ درخواست دی ہے، ملزم ٹھیکیدار نے پہلے کم رقم پر پلی بارگین کی درخواست دی تھی۔ذرائع کا کہنا ہے کہ ملزم ٹھیکیدار کے اکاؤنٹ سے 3 ارب 45 کروڑ روپے کی ٹرانزیکشن ہوئی تھی، ملزم ٹھیکیدار 3 قسطوں پر نیب کو رقم ادا کرنے پر تیار ہے۔نیب ذرائع نے بتایا کہ 40 ارب روپے کے کوہستان اسکینڈل میں ملوث مزید افراد کی گرفتاریوں کا امکان ہے۔