نہیں چاہتا کہ میرا بیٹا پاکستان سے کھیلے : عمر اکمل

جو میرے ساتھ ہوا ہے نہیں چاہتا کہ وہ میرے بیٹے کے ساتھ بھی ہو، مڈل آرڈر بیٹر کا انٹرویو

ذیشان مہتاب ہفتہ 19 جولائی 2025 12:36

نہیں چاہتا کہ میرا بیٹا پاکستان سے کھیلے : عمر اکمل

لاہور (اردو پوائنٹ تازہ ترین اخبار ۔ 19 جولائی 2025ء ) پاکستان کے مڈل آرڈر بیٹر عمر اکمل نے کہاہے کہ میں نہیں چاہتا کہ بیٹا پاکستان سے کھیلے۔

نجی ٹی وی سے گفتگو کرتے ہوئے کرکٹر عمر اکمل نے کہا کہ میں نہیں چاہتا کہ بیٹا پاکستان کی طرف سے کھیلے کیونکہ جو میرے ساتھ ہوا ہے نہیں چاہتا کہ وہ میرے بیٹے کے ساتھ بھی ہو، انہوں نے کہا کہ میں نہیں چاہتا کہ یہ کرکٹر بنے لیکن اس کا یہ شوق ہے۔

اس سے قبل ایک انٹرویو میں قومی کرکٹر عمر اکمل نے دعویٰ کیا تھا کہ انھیں پاکستان ٹیم میں نہ کھلانے کیلیے فون کالز آتی تھی اور کھلانے کیلیے منع کیا جاتا تھا۔

عمر اکمل نے بتایا تھا کہ ایک کپتان تھا رضا علی ڈار، میں آپ کو اسکا نمبر بھی دے سکتا ہوں اور آپ خود کال کرکے تصدیق کرسکتے ہیں، انہیں کرکٹ بورڈ سے اوپر سے کال آتی تھی کہ عمر اکمل کو نہیں کھلانا ہے۔

(جاری ہے)

عمر اکمل کا کہنا تھا کہ تاہم اس کپتان نے میرے لیے اسٹینڈ لیا کہ میں اسے کیسے نہ کھلائوں، عمر اکمل جیسا بیٹر میں کیسے باہر بٹھاؤں۔

ان کا کہنا تھا کہ اگر میں ابھی نام لینا شروع کردوں تو آپ کہیں گی کہ عمر بھائی بس کردیں، آپ اتنی گہرائی میں چیزیں کیوں بتا رہے ہیں کرکٹ سے ہمارا دل کیوں اٹھا رہے ہیں۔

عمر اکمل نے کہا تھا کہ آپ حقیقت سن کر کہیں گے کہ ہمارا دل نہیں کرے گا کرکٹ دیکھنے کا کہ ماضی میں یہ ایک پلیئر کے ساتھ اس قدر پرسنل ہوئے ہیں