قتل کے مقدمہ کا مفرور اشتہاری 30سال بعد گرفتار

ملزم نے گرفتاری سے بچنے کے لیے مبینہ طور پر اپنی شناخت تبدیل کرا رکھی تھی سی سی ڈی ساہیوال نے بھی 18سال سے قتل کے مقدمہ میں مطلوب اشتہاری کو گرفتار کر لیا

ہفتہ 19 جولائی 2025 15:56

لاہور(اُردو پوائنٹ اخبارتازہ ترین - این این آئی۔ 19 جولائی2025ء)قتل کے مقدمہ کا مفرور اشتہاری 30سال بعد گرفتار کر لیا گیا ۔ترجمان کے مطابق سی سی ڈی جھنگ نے اٹھارہ ہزاری کے علاقہ سے مقدمہ قتل کے مفرور اشتہاری کو گرفتار کر لیا ،گرفتار ملزم 30سال قبل ڈیرہ غازی خان میں ایک شہری کو قتل کرکے فرار ہو گیا تھا ،ملزم نے گرفتاری سے بچنے کے لیے مبینہ طور پر اپنی شناخت تبدیل کروا رکھی تھی،ملزمنے شناختی کارڈ پر اپنا نام منظور حسین سے تبدیل کرکے محمد علی کروا لیا تھا،ملزم ڈیرہ غازی خان میں قتل سمیت درجنوں مقدمات میں ریکارڈ یافتہ ہے۔

(جاری ہے)

سی سی ڈی ساہیوال نے بھی 18سال سے قتل کے مقدمہ میں مطلوب اشتہاری کو گرفتار کر لیا،اشتہاری ملزم محمد حنیف 18سال قبل پولیس اسٹیشن غازی آباد میں شہری کو قتل کر کے فرار ہو گیا تھا۔