کوہستان میگا کرپشن اسکینڈل،2 سرکاری افسر، 2 بینکر ز اور 4 ٹھیکیدار گرفتار

ہفتہ 19 جولائی 2025 20:07

پشاور(اُردو پوائنٹ اخبارتازہ ترین - این این آئی۔ 19 جولائی2025ء)قومی احتساب بیورو (نیب) نے 40ارب روپے کے کوہستان میگا کرپشن اسکینڈل میں 8 اہم ملزمان کو گرفتار کرلیا۔رپورٹ کے مطابق کوہستان کرپشن اسکینڈل میں گرفتار ملزمان کو احتساب عدالت میں پیش کیا جائے گا۔

(جاری ہے)

نیب نے کوہستان میگا اسکینڈل میں افراد میں 2 سرکاری افسر، 2 بینکر زاور 4 ٹھیکیداروں کو گرفتار کیا ہے، ملزمان پرجعلی چیک، منی لانڈرنگ، اور بے نامی اکاؤنٹس کے ذریعے خردبرد کا الزام ہے۔

ذرائع نے کہا کہ ڈسٹرکٹ اکاؤنٹ آفیسر کا مرکزی کردار ہے، سرکاری دستاویزات میں انکشاف ہواہے کہ اے جی آفس ملی بھگت سے فنڈز کا غیر قانونی استعمال کیا۔نیب زرائع نے کہا کہ کوہستان میگا اسکینڈل کی تحقیقات میں مزید گرفتاریاں بھی متوقع ہے، ملزمان نے جعلی بلنگ، جعلی تعمیراتی فرمز کے ذریعے اربوں کی ہیراپھیری کی۔