تجاوزات کا خاتمہ شہر کی پائیدار ترقی اور شہریوں کی فلاح کیلئے ناگزیر ہے، سید موسی رضا

اتوار 20 جولائی 2025 14:50

لاہور (اُردو پوائنٹ اخبارتازہ ترین - اے پی پی۔ 20 جولائی2025ء) صوبائی دارلحکومت لاہوربھر میں تجاوزات کے خلاف گرینڈ آپریشن، 27 ٹرک سامان ضبط، مال روڈ، سرکلر روڈ اور اردو بازار سمیت اہم شاہراہیں تجاوزات سے صاف کر دی گئیں ، تجاوزات کا خاتمہ شہر کی پائیدار ترقی اور شہریوں کی فلاح کیلئے ناگزیر ہے ۔ ان خیالات کا اظہار ڈپٹی کمشنر لاہور سید موسی رضا نے کیا ۔

انہوں نے کہا کہ تجاوزات سے پاک کرنے تک آپریشن بلا تعطل جاری رہے گا۔

(جاری ہے)

انہوں نے کہا کہ تجاوزات کے خلاف کارروائیاں بلا تفریق کی جا رہی ہیں،قانون کی حکمرانی پر کوئی سمجھوتہ نہیں کیا جائے گا۔ سید موسی رضا نے کہا کہ شہریوں کو کشادہ سڑکوں کی فراہمی یقینی بنائی جا رہی ہے اور مستقل بنیادوں پر تجاوزات کا خاتمہ اولین ترجیح ہے۔انہو نے کہا کہ وزیر اعلی پنجاب کی ہدایت پر شہر میں زیرو ٹالرنس پالیسی پر عمل پیرا ہیں ،لاہور کے تاریخی مقامات مزید نمایاں ہو رہے ہیں، سید موسی رضا نے کہا ہے کہ عوامی مقامات پر تجاوزات قائم کرنے کی ہرگز اجازت نہیں دیں گے۔