پنجاب پولیس کی جانب سے شہریوں کو ڈیجیٹل خدمات کی فراہمی کا سلسلہ جاری ،ترجمان

پیر 21 جولائی 2025 12:06

لاہور (اُردو پوائنٹ اخبارتازہ ترین - اے پی پی۔ 21 جولائی2025ء) پنجاب پولیس کے خدمت مراکز میں شہریوں کو ڈیجیٹل خدمات کی فراہمی کا سلسلہ جاری ہے۔رواں سال اب تک 19 لاکھ 74 ہزار سے زائد شہریوں نے خدمت مراکز سے پولیسنگ سروسز حاصل کیں۔

(جاری ہے)

ترجمان پنجاب پولیس کے مطابق08 لاکھ 71 ہزار سے زائد شہریوں نے جنرل پولیس ویریفیکیشن کروائی،04 لاکھ 90 ہزار سے زائد شہریوں نے پولیس کریکٹر سرٹیفیکیٹ حاصل کئے، 2 لاکھ 21 ہزار سے زائد شہریوں نے کرایہ داری اندراج کروایا، 96 ہزار 972 شہریوں نے میڈیکولیگل سرٹیفیکیٹس حاصل کئے۔

کمزور طبقات کیلئے جاری اقدامات کے تحت 78 ہزار 928 افراد کو قانونی و سماجی تحفظ فراہم کیا گیا۔ ترجمان پنجاب پولیس نے بتایا کہ25 ہزار 240 شہریوں نے وہیکلز ویری فیکیشن کروائی، 50 ہزار 683 شہریوں نے دستاویزات کی اندراج گمشدگی، 2775 جرائم رپورٹ کی رجسٹریشن کروائی۔ 1 لاکھ 05 ہزار سے زائد شہریوں نے ایف آئی آر کی نقول حاصل کیں ، 32 ویمن وائیلنس رپورٹس درج ہوئیں، 29 ہزار 754 شہریوں نے ایمپلائیز رجسٹریشن کروائی ۔ 1810 شہریوں نے نجی ملازمت کیلئے پولیس ویریفیکیشن کروائی۔