اولمپکس 2028ء میں کون سی کرکٹ ٹیمیں کھیلیں گی، آئی سی سی نے پلان بنا لیا

مرد اور خواتین کی 6، 6 ٹیمیں شرکت کریں گی، اولمپکس 2028ء میں کرکٹ میچز کے شیڈول کا بھی اعلان کر دیا گیا

ذیشان مہتاب پیر 21 جولائی 2025 12:38

اولمپکس 2028ء میں کون سی کرکٹ ٹیمیں کھیلیں گی، آئی سی سی نے پلان بنا ..

لاس اینجلس (اردو پوائنٹ تازہ ترین اخبار ۔ 21 جولائی 2025ء ) دنیا کا مقبول کھیل کرکٹ 128 سال بعد ایک بار پھر اولمپکس میں واپس آ رہا ہے، لاس اینجلس اولمپکس کے حوالے سے آئی سی سی نے پلان بنا لیا۔

کرکٹ کا شمار دنیا کے مقبول ترین کھیلوں میں ہوتا ہے جس کبھی اولمپک گیمز کا بھی حصہ ہوتا تھا۔

اب 128 سال بعد اس کھیل کی دوبارہ اولمپکس میں واپسی ہو رہی ہے اور 2028 میں لاس اینجلس میں ہونے والے اولمپکس گیمز میں شائقین کرکٹرز کو بھی ایکشن میں دیکھ سکیں گے۔

انٹرنیشنل اولمپک کمیٹی نے کرکٹ کو ٹی 20 فارمیٹ میں 2028ء کے لاس اینجلس اولمپکس میں شامل کرنے کا فیصلہ کیا ہے اور اس میں مرد اور خواتین کی 6، 6 ٹیمیں شرکت کریں گی۔

اولمپکس 2028ء میں کرکٹ میچز کے شیڈول کا بھی اعلان کر دیا گیا ہے تاہم کھیلوں کے اس میلے میں ٹیموں کی شمولیت کا طریقہ کار کیا ہوگا، یہ اولمپک کمیٹی نے کرکٹ کی عالمی تنظیم آئی سی سی پر چھوڑ دیا ہے۔

(جاری ہے)