گلوبل سورسنگ ایکسپو میں شرکت کے لئے درخواستیں 5 اگست تک طلب

پیر 21 جولائی 2025 14:25

اسلام آباد (اُردو پوائنٹ اخبارتازہ ترین - اے پی پی۔ 21 جولائی2025ء) ٹریڈ ڈویلپمنٹ اتھارٹی پاکستان (ٹی ڈی اے پی)نے کہا ہے کہ آسٹریلیا میں 18 نومبر سے ہونے والی بین الاقوامی تجارتی نمائش ’’ گلوبل سورسنگ ایکسپو ‘‘ میں شرکت کے لئے 5 اگست تک درخواستیں جمع کرائی جاسکتی ہیں ۔

(جاری ہے)

ٹی ڈی اے پی کے مطابق نمائش آسٹریلیا کے شہر ملبورن میں 18 نومبر سے 20 نومبر تک جاری رہے گی جس میں ہوم ٹیکسٹائل ، فیبرکس ، ڈینم ، تیار ملبوسات ، سپورٹس وئیر اور لیدر سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے۔ نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔