ہری پور پولیس کی کارروائی، منشیات فروش ہیروئن سمیت گرفتار

پیر 21 جولائی 2025 15:51

ایبٹ آباد (اُردو پوائنٹ اخبارتازہ ترین - اے پی پی۔ 21 جولائی2025ء) ہری پور پولیس نے ایک کارروائی کے دوران منشیات فروش کو رنگے ہاتھوں گرفتار کر کے 915 گرام ہیروئن برآمد کر لی۔

(جاری ہے)

ہری پور پولیس کے مطابق ڈی پی او فرحان خان کے احکامات کی روشنی میں منشیات فروشوں کے خلاف کریک ڈاؤن جاری ہے۔ ایس ایچ او تھانہ خانپور انسپکٹر ہارون خان نے پولیس نفری کے ہمراہ کارروائی کرتے ہوئے دلاور خان ولد اختر سکنہ پنڈ گاکھڑا کو گرفتار کر کے قبضہ سے 915 گرام ہیروئن برآمد کر لی۔ ملزم کے مقدمہ درج کر کے تفتیش شروع کر دی گئی ہے۔