سٹی ٹریفک پولیس پشاور کی کم عمر ڈرائیورز کے خلاف کارروائیاں جاری

پیر 21 جولائی 2025 20:12

پشاور (اُردو پوائنٹ اخبارتازہ ترین - اے پی پی۔ 21 جولائی2025ء) چیف ٹریفک آفیسر ہارون رشید خان کی ہدایت پر سٹی ٹریفک پولیس پشاور کی کم عمر ڈرائیورز کے خلاف کارروائیاں جاری ہیں۔ ترجمان کے مطابق سٹی ٹریفک پولیس پشاور کی جانب سے شہر کے مختلف علاقوں میں97 انڈر ایج ڈرائیورز کے خلاف کارروائی عمل میں لائی گئی، چیف ٹریفک آفیسر ہارون رشید خان نے ان کارروائیوں پر اطمینان کا اظہار کیا۔

(جاری ہے)

ان کا کہنا تھا کہ ٹریفک حکام اور اہلکار انڈر ایج ڈرائیورز کو ان کے والدین کی جانب سے تحریری طور پر ضمانت ملنے کے بعد چھوڑیں، والدین اپنے بچوں پر خصوصی نظر رکھیں اور انہیں گاڑیاں اور موٹر سائیکلیں نہ دیں تاکہ وہ حادثات کا شکار نہ ہو سکیں۔انہوں نے کہا کہ سٹی ٹر یفک پولیس پشاور کے حکام انڈر ایج ڈرائیورز کی سڑکوں پر ڈرائیونگ کرنے پر ان کی حوصلہ شکنی کریں اور ان کیساتھ اس سلسلے میں کسی قسم کی نرمی نہ برتی جائے۔