وفاقی وزیرریلوے ہدایت کی پرڈی ایس ریلوے ملتان ڈویژن کا عبدالحکیم اورساہیوال ریلوے سٹیشنز کا دورہ

پیر 21 جولائی 2025 20:33

ملتان (اُردو پوائنٹ اخبارتازہ ترین - اے پی پی۔ 21 جولائی2025ء) وفاقی وزیر ریلوے محمد حنیف عباسی کی سخت ہدایت پر ڈی ایس ریلوے ملتان ڈویژن ذوالفقار علی شیخ نے عبدالحکیم اور ساہیوال ریلوے سٹیشن کا تفصیلی دورہ کیا، واش رومز اور سٹیشن کی صفائی پر سخت ہدایات جاری کیں۔

(جاری ہے)

تفصیلات کے مطابق ڈی ایس ریلوے ملتان ڈویژن ذوالفقار علی شیخ نے عبدالحکیم سٹیشن اور ساہیوال سٹیشن کا دورہ کیا، اس دوران سٹیشن کی صفائی سے متعلق تمام تر شعبہ جات سمیت واش رومز کا جائزہ لیا اور سٹیشن سمیت واش رومز کی صفائی کو بہتر کرنے کے حوالے سے احکامات جاری کرتے ہوئے کہا کہ سٹیشن کی صفائی کے اعلی معیار کو ہر صورت یقینی بنایا جائے۔

انہوں نے اس دوران سٹیشن پر آمدن اخراجات سمیت ویٹنگ ایریا مسافروں کے لیے پینے کا پانی ،لائٹ پنکھے ،بیٹھنے کے لیے بینچز کا خصوصی طور پر جائزہ لیا۔وزارت ریلوے کی جانب سے پیر کے روز یہاں جاری پریس ریلیز کے مطابق عبدالحکیم سٹیشن اور اطراف میں انکروچمنٹ کو خصوصی طور پر چیک کیا گیا۔ اس موقع پر انہوں نے موجود ڈویژنل ریلوے افسران کو ہدایت کی کہ انکروچمنٹ کو فوری طور پر ختم کریں جبکہ صفائی کو بہتر بنائیں جبکہ سٹیشن ماسٹر کو ہدایت کی گئی سٹیشن پر پودے لگائیں اور گراسی پلاٹ کو مینٹین کریں۔