Live Updates

محکمہ موسمیات کی پیشگوئی پر واسا راولپنڈی ہائی الرٹ ، رین ایمرجنسی نافذہے،ایم ڈی واسا

پیر 21 جولائی 2025 23:12

راولپنڈی (اُردو پوائنٹ اخبارتازہ ترین - اے پی پی۔ 21 جولائی2025ء) ایم ڈی واسا محمد سلیم اشرف نے کہا ہے کہ محکمہ موسمیات کی پیشگوئی پر واسا راولپنڈی ہائی الرٹ جبکہ رین ایمرجنسی نافذہے، کسی بھی قسم کی ایمرجنسی سے نپٹنے کیلئے تیار ہیں۔

(جاری ہے)

متوقع مون سون بارشوں پر بات کرتے ہوئے ایم ڈی واسا نے کہا کہ نالہ لئی کی مسلسل نگرانی کی جار ہی ہے، جڑواں شہروں اور نالہ لئی کے کیچمنٹ ایریا سیدپور میں موسلا دھار بارش جار ی ہے۔

ایم ڈی واسا نے کہا کہ محکمہ موسمیات کے مطابق سیدپور کے مقام پر سب سے زیادہ 124 ملی میٹر ، گولڑہ 46 ملی میٹر جبکہ پی ایم ڈی کے مقام پر 16 ملی میٹر بارش ریکارڈ کی جا چکی ہے۔نالہ لئی میں کٹاریاں کے مقام پر 10 فٹ جبکہ گوالمنڈی پل پر پانی کا لیول 5 فٹ ہے۔ ترجمان واسا کے مطابق نشیبی علاقوں میں عملہ ہیوی مشینری کے ساتھ تعینات ہے۔