Live Updates

کراچی کو بادلوں نے ڈھانپ لیا؛ ، (کل) گرج چمک کے ساتھ بارش ہوگی، پیشگوئی

ہفتہ 19 جولائی 2025 17:47

کراچی(اُردو پوائنٹ اخبارتازہ ترین - این این آئی۔ 19 جولائی2025ء)کراچی (اُردو پوائنٹ اخبارتازہ ترین - این این آئی۔ 19 جولائی2025ء)شہر قائد پر ہفتہ کو بادلوں کا راج رہا جب کہ محکمہ موسمیات نے کل ( اتوار) گرج چمک کے ساتھ بارش کی پیش گوئی کی ہے۔محکمہ موسمیات کے مطابق کراچی میں بارش کے امکانات بڑھ رہے ہیں، تاہم اتوار کو کراچی میں گرج چمک کے ساتھ بارش ہوسکتی ہے۔

موسمیاتی ماہرین کا کہنا ہے کہ صوبے کے بیشتر علاقوں میں مون سون کی تیز ہوائیں مسلسل داخل ہو رہی ہیں۔

(جاری ہے)

گھوٹکی، خیرپور، سانگھڑ، میرپورخاص، عمرکوٹ، تھرپارکر، بدین، ٹھٹھہ، سجاول، حیدر آباد، ٹنڈو محمد خان، ٹنڈو الہیار، مٹیاری، سکھر، شکارپور، شہید بینظیر آباد، نوشہرہ، لاڑکانہ میں کہیں درمیانے درجے اور کہیں موسلا دھار بارش کا امکان ہے۔

اسی طرح قمبر شہدادکوٹ کے اضلاع میں وقفے وقفے سے جب کہ جامشورو ضلع میں اتوار تک ہلکی سے درمیانی بارش ہوسکتی ہے۔ اس کے علاوہ دیہی سندھ میں تیز بارشوں کی وجہ سے نشیبی علاقوں میں اربن فلڈنگ کا خطرہ ہے۔محکمہ موسمیات کا کہنا ہے کہ موسم کی شدت کی صورت میں کمزور ڈھانچے کے حامل کچے مکانات، بجلی کے کھمبوں، گاڑیوں اور سولر پینلز کونقصان پہنچنے کا اندیشہ ہے۔