پی ڈی ایم اے نے صوبائی دارالحکومت لاہور سمیت پنجاب کے مختلف اضلاع میں مو سلا دھار بارش کی پیشنگوئی پر الرٹ جاری کر دیا

منگل 15 جولائی 2025 21:38

لاہور (اُردو پوائنٹ اخبارتازہ ترین - اے پی پی۔ 15 جولائی2025ء) پروونشل ڈیزاسٹر مینجمنٹ اتھارٹی(پی ڈی ایم اے) نے صوبائی دارالحکومت لاہور سمیت پنجاب کے مختلف اضلاع میں مو سلا دھار بارش کی پیشنگوئی پر صوبہ بھر کے ڈپٹی کمشنرز کو الرٹ رہنے کی ہدایات جاری کر دی ہیں۔ڈی جی پی ڈی ایم اے عرفان علی کاٹھیا نے کہا کہ صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سنٹرز کو بھی الرٹ کر دیا گیا ہے اور کنٹرول روم میں صورتحال کی مانیٹرنگ مسلسل جاری ہے۔

(جاری ہے)

انہوں نے کہا کہ 1122 اور واسا سمیت دیگر ریسکیو ادارے مشینری سمیت عملے کو الرٹ رکھیں اور نشینی علاقوں سے پانی کی نکاسی کو جلد از جلد ممکن بنائیں۔انہوں نے مزید کہا کہ مون سون بارشوں کا یہ سلسلہ 17جولائی تک جاری رہنے کی پیشگوئی کی گئی ہے،شہری احتیاط کریں، بجلی کے کھمبوں ، لٹکتی تاروں ،کچے مکانات اور بوسیدہ عمارتوں سے دور رہیں،شہری بچوں کا خاص خیال رکھیں اور انہیں نشیبی علاقوں میں جمع پانی کے قریب ہرگز نہ جانے دیں،کسی بھی ایمرجنسی صورتحال میں شہری پی ڈی ایم اے کی ہیلپ لائن 1129 پر کال کر سکتے ہیں۔