پی ٹی آئی کے لاہور میں ریلی نکالنے اور سڑک بلاک کرنے کے مقدمے میں گرفتار 4 ملزمان مقدمے سے ڈسچارج

پیر 21 جولائی 2025 22:25

لاہور(اُردو پوائنٹ اخبارتازہ ترین - این این آئی۔ 21 جولائی2025ء)عدالت نے پی ٹی آئی کے لاہور میں ریلی نکالنے اور سڑک بلاک کرنے کے مقدمے میں گرفتار 4 ملزمان کو مقدمے سے ڈسچارج کر دیا ۔

(جاری ہے)

جوڈیشل مجسٹریٹ نعمان ناصر نے پولیس کی درخواست پر سماعت کی ، دوران سماعت پولیس نے ملزمان کو جوڈیشل ریمانڈ پر بھیجنے کی استدعا کی ، عدالت نے درخواست کو مسترد کرتے ہوئے ملزمان کو مقدمے سے ڈسچارج کر دیا ۔ فیصلے میں کہا گیا کہ ناقص تفتیش اور ملزمان کے 161 کے بیانات موجود نہیں ، عدالت ملزمان کو مقدمے سے ڈسچارج کرتی ہے ۔ملزمان میں زین العابدین ،دلدار احمد ،سمیرا رانی اور خطاب نواز کو مقدمے سے ڈسچارج کیا گیا۔