عالمی انڈر 19 والی بال چیمپئن شپ: پاکستانی اسکواڈ آج روانہ ہوگا

ایونٹ 24 ٹیمیوں کے درمیان 24 جولائی سے 3 اگست تک ازبکستان کے دارالحکومت تاشقند میں کھیلا جائے گا

منگل 22 جولائی 2025 03:15

کراچی(اُردو پوائنٹ اخبارتازہ ترین - این این آئی۔ 22 جولائی2025ء)عالمی انڈر 19 والی بال چیمپئن شپ میں شرکت کے لیے پاکستانی اسکواڈ منگل کو روانہ ہوگا۔ یہ ایونٹ 24 ٹیمیوں کے درمیان 24 جولائی سے 3 اگست تک ازبکستان کے دارالحکومت تاشقند میں کھیلا جائے گا۔یہ امر قابل ذکر ہے کہ پاکستان نے حال ہی میں ایران کو شکست دے کر تھائی لینڈ میں ہونے والی ایشین انڈر 16 چیمپئن شپ اپنے نام کی ہے۔

عالمی انڈر 19 والی بال چیمپئن شپ میں امریکا اپنے اعزاز کا دفاع کرے گا۔پول اے میں شامل پاکستان کا پہلا میچ 24 جولائی کو بیلجیم سے ہوگا25 جولائی کو ازبکستان، 26 جولائی کو ترکی، 28 جولائی کو پورٹریکو اور 29 جولائی کو ارجنٹائن سے مقابلہ ہوگا۔30 جولائی سے ٹاپ 16 ٹیموں کیدرمیان ناک آٹ رانڈ شروع ہوگا۔

(جاری ہے)

فائنل 3 اگست کو کھیلا جائے گا۔چیمپئن شپ کے لیے 19رکنی قومی جونیئر اسکواڈ میں 12 کھلاڑی اور 7 آفیشلز شامل ہیں۔

قومی جونیئر ٹیم محمد یحییٰ ،طیب خان، جبران،محمد حسن، محمد ساجد، مجاہد علی شاہ، اجمل جنید، محمد عرفان، جاوید احمد، طلال احمد، ابوبکر صدیق اور خضر حیات پر مشتمل ہے۔سعید احمد خان ہیڈ کوچ، احسان اقبال اور محمد سلیمان امین اسسٹنٹ کوچ،محمد سلیمان فزیوتھراپسٹ،مظہر فرید ٹیم منیجر اور محمد شہباز افیشل کی ذمہ داری ادا کریں گے۔پاکستان والی بال فیڈریشن کے چیئرمین چوہدری محمد یعقوب قومی جونیئر اسکواڈ کے سربراہ اور چیف ٹیم مشن ہوں گے۔

عالمی جونیئر چیمپئن میں شریک 24 ٹیموں میں الجیریا، مصر، ایران، پولینڈ، ارجنٹائن، بیلجیم، کینیڈا، بلغاریہ، چین، کولمبیا، کیوبا، فرانس، فن لینڈ،اٹلی، کوریا، جاپان، پاکستان، پولینڈ، اسپین، پورٹریکو، ترکی، تنزانیہ،امریکا اور میزبان ازبکستان شامل ہیں۔