اے این ایف کا منشیات فروشوں کے خلاف کریک ڈاؤن جاری ، 7 ملزمان گرفتار ، 24کروڑ 65لاکھ روپے کی منشیات برآمد

منگل 22 جولائی 2025 16:07

اسلام آباد (اُردو پوائنٹ اخبارتازہ ترین - اے پی پی۔ 22 جولائی2025ء) اینٹی نارکوٹکس فورس (اے این ایف )نے ملک کے مختلف شہروں میں منشیات سمگلنگ کے خلاف کریک ڈاؤن کرتے ہوئے کارروائیوں میں 24 کروڑ 65 لاکھ روپے سے زائد مالیت کی 255.200 کلو گرام منشیات برآمد کرکے 7 ملزمان کوگرفتار کر لیا۔منگل کوترجمان اے این ایف کی جانب سے جاری بیان کے مطابق علامہ اقبال انٹرنیشنل ایئرپورٹ کے کارگو شیڈ میں کینیڈا بھیجے جانے والے پارسل سے 300 گرام افیون برآمد کر لی۔

(جاری ہے)

فیصل بس ٹرمینل اسلام آباد کے قریب 3 ملزمان کے قبضے سے 2.5 کلو ہیروئن اور 2.4 کلو چرس اور ایک کلو آئس برآمد کر لی۔یونیورسٹی روڈ پشاور کے قریب گاڑی سے 56 کلو چرس برآمد کرکے ملزم کو گرفتار کر لیا۔ٹول پلازہ روڈمانسہرہ کے قریب گاڑی سے 18 کلو چرس برآمد کرکے ملزم کوگرفتار کرلیا۔گڑھ موڑ روڈمظفر گڑھ کے قریب ٹرک میں سوار 2 ملزمان کے قبضے سے 7 کلو آئس برآمد کر لی۔لورالائی میں ڈی جی خان روڈ کے قریب سمگلنگ کے لیے چھپائی گئی 168 کلو ہیروئن برآمد کر لی۔ترجمان نے کہا کہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔