Live Updates

غیر معمولی بارشیں بدلتی ماحولیاتی تبدیلی کا واضح ثبوت،حکومت ریسکیو و ریلیف کیلئے اقدامات کررہی ہے، وزیر ریلوے

جمعرات 24 جولائی 2025 16:52

اسلام آباد (اُردو پوائنٹ اخبارتازہ ترین - این این آئی۔ 24 جولائی2025ء)وفاقی وزیر برائے ریلوے محمد حنیف عباسی نے کہا ہے کہ غیر معمولی بارشیں بدلتی ماحولیاتی تبدیلی کا واضح ثبوت ہے، وفاقی حکومت ریسکیو و ریلیف اقدامات میں بھرپور کردار ادا کر رہی ہے۔ ان خیالات کا اظہار انہوں نے جمعرات کو بدلتے ماحولیاتی حالات اور غیر معمولی مون سون بارشوں کے حوالے سے اپنے پیغام میں کیا۔

وزیر ریلوے نے کہا کہ غیر معمولی بارشیں بدلتی ماحولیاتی تبدیلی کا واضح ثبوت ہے۔

(جاری ہے)

انہوں نے پاکستان کے عوام کے ساتھ اظہار افسوس اور احتیاطی تدابیر اختیار کرنے کی اپیل کرتے ہوئے کہا کہ اسلام آباد کی نجی سوسائٹی میں باپ بیٹی کے سیلابی ریلے میں بہہ جانے اور لودھراں میں کلاؤڈ برسٹ سے جاں بحق ہونے والوں سمیت مون سون بارشوں سے جاں بحق تمام پاکستانیوں کی جانوں کے ضیاع پر دلی دکھ اور افسوس جبکہ ان کے لواحقین سے اظہار تعزیت کرتا ہوں۔ حنیف عباسی نے عوام سے اپیل کی کہ وہ موسم کی شدت اور خطرات کے پیش نظر احتیاط کریں۔ انہوں نے کہا کہ مشکل کی اس گھڑی میں پوری قوم متاثرہ خاندانوں کے ساتھ کھڑی ہے۔