وفاقی وزیر داخلہ محسن نقوی کا بنوں میں بسیہ خیل تھانے پر فتنۃالہندوستان کے دہشت گردوں کا حملہ ناکام بنانے پر پولیس جوانوں کو خراج تحسین

جمعہ 25 جولائی 2025 13:37

اسلام آباد (اُردو پوائنٹ اخبارتازہ ترین - اے پی پی۔ 25 جولائی2025ء) وفاقی وزیر داخلہ محسن نقوی نے بنوں میں بسیہ خیل تھانے پر فتنۃ الہندوستان کے دہشت گردوں کا حملہ ناکام بنانے پر پولیس جوانوں کو خراج تحسین پیش کیا ہے ۔ وزارت داخلہ کی جانب سے جمعہ کو جاری بیان کے مطابق وزیر داخلہ محسن نقوی نے پولیس جوانوں کی بہادری اور پیشہ وارانہ صلاحیتوں کو سراہا۔

(جاری ہے)

انہوں نے کہا کہ بھارتی حمایت یافتہ دہشتگردوں کا دلیری سے مقابلہ کرنے والے پولیس جوانوں کو سلام پیش کرتے ہیں۔ محسن نقوی نے کہا کہ پولیس جوانوں نے جوانمردی سے بھارتی حمایت یافتہ دہشتگردوں کو منہ توڑ جواب دیا اور مذموم عزائم کو ناکام بنایا۔ وزیر داخلہ محسن نقوی نے کہا کہ خیبر پختونخوا پولیس دہشتگردی کے خلاف جنگ میں فرنٹ لائن پر ہے۔خیبر پختون خوا پولیس کے جوانوں کی جرأت پر فخر ہے۔\932