مثالی گائوں منصوبہ میں عوامی ضروریات مدنظر رکھی جائیں گی‘ مریم نواز

وزیراعلیٰ کی زیر صدارت خصوصی اجلاس ،مثالی گائوں، ستھرا پنجاب اور ویسٹ ٹو ویلیو پراجیکٹس پر بریفنگ

ہفتہ 26 جولائی 2025 14:55

مثالی گائوں منصوبہ میں عوامی ضروریات مدنظر رکھی جائیں گی‘ مریم نواز

لاہور(اُردو پوائنٹ اخبارتازہ ترین - این این آئی۔ 26 جولائی2025ء) وزیراعلیٰ پنجاب مریم نواز شریف نے کہا ہے کہ مثالی گائوں منصوبہ میں عوامی ضروریات مدنظر رکھ کر ترجیحات کا تعین کیا جائے گا۔وزیراعلیٰ کی زیر صدارت خصوصی اجلاس ہوا جس میں مثالی گائوں، ستھرا پنجاب اور ویسٹ ٹو ویلیو پراجیکٹس پر بریفنگ دی گئی، وزیراعلیٰ نے مثالی گائوں پراجیکٹ کی جلد از جلد تکمیل کے لیے ڈیڈ لائن طلب کرلی۔

(جاری ہے)

پنجاب میں 1200دیہات مثالی گائوں بنانے کے پراجیکٹ پر پیش رفت کا جائزہ لیا گیا، ہر مثالی گائوں میں 24/7واٹر سپلائی، مکمل سیوریج نیٹ ورک اور ویسٹ مینجمنٹ ٹریٹمنٹ پلانٹ بنیں گے۔پنجاب کے مثالی گائوں میں پختہ گلیاں، سڑکوں کی بحالی، چلڈرن پارک اور شجرکاری بھی ہوگی، مثالی گائوں میں گھروں پر نمبر لگائے جائیں گے اور سائن بورڈ بھی نصب ہوں گے۔

اجلاس میں مثالی گاں کے لیے سولر سسٹم سے چلنے والے واٹر سپلائی ماڈل اور سیوریج سسٹم پر بریفنگ دی گئی، مثالی گائوں پراجیکٹ کے تحت پائلٹ فیز کے 130دیہات میں ترقیاتی منصوبے مکمل کر لیے گئے۔مریم نوازشریف نے کہا کہ مثالی گائوں پراجیکٹ میں عوام کی ضروریات کو مدنظر رکھ کر ترجیحات کا تعین کیا جائے گا، مثالی گائوں کے تحت ہر گاں کو مکمل طور پر ڈویلپ کیا جائے گا۔