این سی اے نے ڈگری پروگرامز میں داخلوں کا آغاز کردیا

درخواستیں جمع کرانے کے لئے 12اگست آخری تاریخ مقرر

اتوار 27 جولائی 2025 13:30

لاہور(اُردو پوائنٹ اخبارتازہ ترین - این این آئی۔ 27 جولائی2025ء)نیشنل کالج آف آرٹس نے ڈگری پروگرامز میں داخلوں کا آغاز کرتے ہوئے درخواستوں کے لیے آخری تاریخ 12اگست مقرر کی ہے۔ این سی اے کے مطابق اوپن میرٹ، سیلف فنانس، سیلف سپورٹ اسکیم اور مخصوص نشستوں پر داخلوں کا آغاز کیا گیا ہے۔این سی اے لاہور میں آرکیٹیکچر، فائن آرٹس، ڈیزائن (ویژول کمیونیکیشن ڈیزائن، ٹیکسٹائل ڈیزائن، فیشن ڈیزائن، پروڈکٹ ڈیزائن اور سرامک ڈیزائن)، میوزیکالوجی، فلم اینڈ ٹی وی، ملٹی میڈیا آرٹ اور کلچرل اسٹڈیز میں داخلوں کا آغاز کیا گیا ہے، جبکہ این سی اے راولپنڈی میں آرکیٹیکچر، فائن آرٹس، ڈیزائن (ویژول کمیونیکیشن ڈیزائن، ٹیکسٹائل ڈیزائن اور فیشن ڈیزائن)اور ملٹی میڈیا آرٹ میں داخلوں کا آغاز کیا گیا ہے۔

(جاری ہے)

این سی اے کے مطابق آن لائن داخلہ کی درخواست جمع کروانے کے لیے اوپن میرٹ، سیلف فنانس، سیلف سپورٹ سکیم اور غیرملکی امیدواروں کو براہ راست این ٹی ایس ویب سائٹ پر درخواستیں جمع کروانا ہوں گی۔ ایک سے زائد کیمپس، شعبوں اور کوٹہ پر اپلائی کرنے کے لیے امیدواران ایک ہی درخواست فارم استعمال کرسکیں گے۔ آن لائن درخواست کا پرنٹ شدہ داخلہ فارم ضروری دستاویزات کی تصدیق شدہ کاپیوں کے ساتھ مقررہ تاریخ کے اندر این ٹی ایس سینٹرز پہنچانا ضروری ہوگا کیونکہ امیدواران کے لیے آن لائن رجسٹریشن کے بعد جاری کردہ کمپیوٹرائزڈ چلان کے ذریعے پراسپیکٹس چارجز، کورئیرچارجز اور داخلہ ٹیسٹ فیس آخری تاریخ سے قبل جمع کرانا لازمی ہوگی۔

داخلہ ٹیسٹ فیس بزریعہ ون لنک والے تمام بینکوں، اے ٹی ایم ، آن لائن، بینکنگ موبائل، ٹی سی ایس ایکسپریس کاونٹرز، جیز کیش اورایزی پیسہ پر ادا کی جاسکتی ہے۔رولنمبر سلپ این ٹی ایس کی ویب سائٹ سے ٹیسٹ منعقد ہونے کی تاریخ سے کم از کم ایک ہفتہ پہلے ڈاون لوڈ کی جاسکے گی۔ داخلوں سے متعلق مزید تفصیلات نیشنل کالج آف آرٹس اور این ٹی ایس کی ویب سائٹ پر دستیاب ہیں۔