غذائی اجناس کی درآمد میں 24 کروڑ 50 لاکھ ڈالر اضافہ

مالی سال2024-25کے دوران دوران 8 ارب 14 کروڑ ڈالر کی کھانے پینے کی اشیا درآمد کی گئی

اتوار 27 جولائی 2025 14:00

کراچی(اُردو پوائنٹ اخبارتازہ ترین - این این آئی۔ 27 جولائی2025ء)غذائی اشیا کی امپورٹ میں سالانہ بنیادوں پر 24 کروڑ 50 لاکھ ڈالر اضافہ ہوگیا۔دستاویز کے مطابق مالی سال2024-25کے دوران دوران 8 ارب 14 کروڑ ڈالر کی کھانے پینے کی اشیا درآمد کی گئی۔ مقامی کرنسی میں درآمدی اشیا کی مالیت 2 ہزار 276 ارب روپے ہے۔ 2023،24 میں 7.90 ارب ڈالرکی غذائی اشیا درآمد کی گئی تھیں۔

(جاری ہے)

زیرجائزہ عرسے کے دوران دودھ، مکھن، کریم سمیت 34 ارب 84 کروڑ روپے کی ڈیری مصنوعات امپورٹ کی گئی، گزشتہ سال ان اشیا کی درآمد میں 9 فیصد سیزیادہ اضافہ دیکھا گیا۔ڈرائی فروٹس کی درآمد میں100 فیصد اضافہ ہوگیا،حجم 40 ارب روپیریکارڈ کیا گیا، مصالحوں کی امپورٹ میں 16 فیصد اضافہ، 63 ارب 58 کروڑ روپے کے درآمد ہوئے۔ سویا بین، پام آئل، چینی، دالوں کی درآمدات میں بھی اضافہ ریکارڈ کیا گیا۔دستاویز کے مطابق دیگر غذائی اجناس کے برعکس گزشتہ مالی سال گندم 100 فیصد جبکہ چائے کی درآمد میں 4.20 فیصد کمی ہوئی۔