سینٹرل پریس کلب مظفرآباد شاندار روایات کا امین رہا ہے،شازیہ کیانی ایڈووکیٹ

اتوار 27 جولائی 2025 15:15

مظفرآباد(اُردو پوائنٹ اخبارتازہ ترین - این این آئی۔ 27 جولائی2025ء)نامور قانون دان شازیہ کیانی ایڈووکیٹ کی سینٹرل پریس کلب آمد،شازیہ کیانی ایڈووکیٹ نے سینٹرل پریس کلب کے نومنتخب صدر سجاد احمد میر،سینئر نائب صدر نصیر انور،نائب صدر تنویر تنولی،ایڈیشنل جنرل سیکرٹری راجہ خالد،جائنٹ سیکرٹری شاہ زیب افضل،سیکرٹری مالیات انصر صدیق خواجہ،سیکرٹری اطلاعات میر بشارت،سیکرٹری جنرل سید اشفاق حسین شاہ اور جملہ نومنتخب عہدیداران کو اُن کی کامیابی پر مبارکباد دی۔

شازیہ کیانی ایڈووکیٹ نے سینٹرل پریس کلب مظفرآباد کی مجلس عاملہ کے نومنتخب عہدیداران طارق نقاش، سرفراز خواجہ، اسلم میر،عارف عرفی،غلام رضا کاظمی،عباس گردیزی، فاروق مغل کو بھی مبارکباد دی۔اس موقع پر شازیہ کیانی ایڈووکیٹ نے کہا کہ سینٹرل پریس کلب مظفرآباد شاندار روایات کا امین رہا ہے اور ہمیشہ سینٹرل پریس کلب مظفرآباد نے آزاد جموں وکشمیر کے عوام کے مسائل اور اُن کے حل کی بات کی ہے اور مقبوضہ جموں وکشمیر میں جاری بھارتی مظالم اور مقبوضہ فلسطین میں جاری اسرائیلی جارحیت کو بھرپور اُجاگر کرنے میں بھی اپنا اہم کردار ادا کیا ہے۔

(جاری ہے)

شازیہ کیانی ایڈووکیٹ نے کہا کہ مجھے امید ہے کہ آئندہ بھی نو منتخب عہدیداران آزاد جموں وکشمیر کے عوام کے مسائل کو اُجاگر کرنے کے لئے اپنا مثبت کردار ادا کریں گے اور اس کے ساتھ ساتھ ملکی اور بین الاقوامی سطح پر مسئلہ کشمیر اور مسئلہ فلسطین کے حل اور مقبوضہ جموں وکشمیر اور مقبوضہ فلسطین میں جاری بھارتی اور اسرائیلی مظالم کے خلاف اپنا بھرپور کردار ادا کریں گے۔انھوں نے کہا کہ نو منتخب عہدیداران صحافتی اقدار کی سربلندی کیلئے اپنا مثبت کردار ادا کریں گے۔