حوثیوں کا اسرائیل سے ڈیل کرنے والے جہازوں کو نشانہ بنانے کا اعلان

پیر 28 جولائی 2025 16:16

صنعا (اُردو پوائنٹ اخبارتازہ ترین - این این آئی۔ 28 جولائی2025ء) یمنی حوثی اکثریتی جماعت انصار اللہ نے کہا ہے کہ اسرائیلی پورٹس کے ساتھ ڈیل کرنے والی کسی بھی کمپنی کے جہازوں کو نشانہ بنایا جائے گا۔غیر ملکی میڈیا کے مطابق یمنی حوثیوں کا کہنا تھا کہ ہماری کال نہ ماننے والے جہازوں پر حملہ کیا جائے گا چاہے ان کی منزل کہیں بھی ہو۔

(جاری ہے)

حوثی فوج کے ترجمان نے ایک ٹی وی بیان میں خبردار کیا کہ ایسے بحری جہازوں کو نشانہ بنائیں گے جو ایسی کمپنیوں کی ملکیت ہوں جو اسرائیلی بندرگاہوں کے ساتھ کاروبار کرتی ہیں۔انہوں نے کہا کہ یمنی مسلح افواج تمام ممالک سے اپیل کرتی ہیں کہ اگر وہ اس کشیدگی سے بچنا چاہتے ہیں تو اسرائیل پر دبائو ڈالیں کہ وہ غزہ پر جارحیت بند کرے اور محاصرہ ختم کرے۔